فاعتبروا يا أولي الأبصار

موضوع: فاعتبروا يا أولي الأبصار 31/8/2011, 10:24 pm

السلام عليكم ورحمة الله وبركاته
اقرؤا هي القصة واعتبروا يا بنات واتعظو:كان في في بنت في آخر سنواتها الدراسية اسمها مزنة وقعت مزنة بحب واحد محامي اسمو رامي تقدم رامي لخطبة مزنة بس الأم ما وافقت قالت مزنة لأمها ماما عطي رامي فرصة أخيرة وروحي عبيتو تعرفي علي أكتر راحت الأم مع زوجها أول ما دخلو عالبيت شافوا شايب بياكل بالمطبخ قالو لرامي مين هاد قال رامي هادا جارنا فقير بياكل عنا سئل أبو مزنة رامي وين أبوك قلو رامي بالدوام إجت أم رامي وصارت تمدح رامي قالت أم مزنة لزوجها أنا مو موافقة أبدا رجعو عالبيت وبالطريق شافوا واحد بسبب عرامي قالولو خير قال هاد النصاب المحتال المحامي اللي اسمو رامي ما عطاني إجروة البيت وبيحتال عالموكلين وبياخد مصاري بس قالت أم مزنة أنا لو بموت ما بعطي مزنة لهيك واحد رجعوا عالبيت وقالو هالشي لمزنة وزعلت وانقهرت اتصل فيها رامي قلها لازم شوفك ضروري يا مزنة بالحديقة راحت مزنة وقلها رامي لازم ندافع عن حبنا لازم نتزوج قالت وأمي وأبي قلها رامي مو مهم رح نهرب سوا وإلابنتحر لأني ما تزوجتك وافقت مزنة وراحت عالضيعة مزنة من حبها لرامي تسأل عنو كل شوي قالت أم رامي لمزنة إنت لو إنك مو قليلة أدب وتربية ما بتهربي معو إجا رامي وقالتلو عن أمو فضربا وصرخ عليها واتصل بأهلها وقال بنكم صارت زوجتي وإذا حابين نتزوج بالمحكمة تعالو صار مع الأب جلطة دماغية وانشل مزنة بتنضرب وبصرخ رامي عليها في يوم من الأيام هربت مزنة بالبجامة وراحت عالباص تركب فيه شافتها جارة رامي سألتها وين زوجك قالت هلئ جاية وبعدين سألتها طيب وين حماتك قلتلها راحت وهلئ بتجي هربت مزنة بالطريق السائق بدو المصاري فقالت لجارة رامي تدفع دفعت الجارة وعطت لمزنة شال عشان تتستر فيه وصلت عالمدينة مزنة وشافت تاكسي قالت عمو الله يخليك خدني عند بيت أهلي بدون مصاري أخدها الرجال وراحت عالبيت وشافت أبوها مشلول زعلت مزنة ولامت نفسها كتيييير وباليوم التاني اتصل رامي الشيطان وقلها حبيبتي أنا اشتقتلك كتير وينك ليش رحتي أنا لازم شوفك قالت مزنة انت واحد مجرم ومحتال انت وعيلتك كلها قال رامي اسمعي يا حيوانة لاتقولي شي على عيلتي أصلا أنا زوجك لازم تحترميني قالت مزنة الزواج انسى وانساني كمان قال رامي ماشي رح عيشك بجحيم انت وعيلتك ورح موتك بإيدي خافت مزنة كتير وباليوم التاني اجت اخت رامي على بيت مزنة وقالت لأمها تفضلوا هي تياب مزنة قالت الأم شكرا ما بدنا منكم شي أصرت أخت رامي انو تاخد التياب سالت الأم عن سبب الإصرار فقال أخت رامي لأنو رامي انقتل على باب المحكمة كبرت مزنة وكتبت قصتها بكتاب وعنوانو "لسه فاكر" وهيك خلصت قصة مزنة مع رامي اللي مات نتيجة الكذب الاحتيال لهيك لاتنخدعوا بكلمتين حلوين ولاتقرروا قرارا ت بموضوع الزواج لوحدكم عشان ما يصير فيكم متل ما صار بمزنة لاقدر الله.

تحياتي للجميع

يسلموا علي القصة

الله يسلمك انشا الله ويحميك ويحمي بنات المسلمين

وينكم يا أعضاء؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟